मकवानपुरमा सम्झिइयो पृथ्वीनारायण शाहलाई
पृथ्वी जयन्तीमा राप्रपाको शुभकामना आदान प्रदान
मकवानपुर । मकवानपुरमा पृथ्वी जयन्ती मनाइएको छ । राप्रपा मकवानपुरले शुभकामना आदान प्रदान गर्दै २ सय ९७ औं पृथ्वी जयन्तीका मनाएको हो ।
कार्यक्रममा सहभागी बक्ताले पृथ्वीनारायण शाहको योगदानका विषयमा चर्चा गरे । नेपाल राज्यलाई एक बनाउनमा उनको योगदान अतुलनीय रहेकोमा जोड दिइयो । राप्रपा मकवानपुरका संयोजक मधु अधिकारीले पृथ्वीनारायणले एकीकरण गरेकै कारण नेपाल अहिलेको नेपाल हुन पुगेको बताए ।
कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, राप्रपाका केन्द्रीय सदस्य दिपकबहादुर सिंह,नेपाली काङ्ग्रेस मकवानपुरका माईकल रामचन्द्र अर्याल लगायतको आतिथ्यता थियो ।
