पहिरो पीडितहरुलाई नगद तथा इन्धन प्रदान
बिदुर – सांढे दुई महिना अगाडिको अविरल वर्षातका कारण आएको पहिराको कारण प्रभावित भएका नुवाकोटको पुर्वी भेग पञ्चकन्या गाउँपालिकाका पहिरो पीडितहरुलाई नगद तथा इन्धन प्रदान गरिएको छ । पहिरोबाट प्रभावितहरुको लागि विभिन्न सहयोगी तथा कर्मचारीहरुवाट नगद संकलन गरि हस्तान्तरण गरिएको हो । आधारशिला सामाजिक उद्यमी महिला सहकारी लिमिटेडको सञ्चालक सदस्यहरुको तर्फबाट नगद १५ हजार रुपैया प्राप्त भएको छ ।
यसका साथै पञ्चकन्या गापाका पहिरोबाट प्रभावितहरुको लागि राहत प्राप्त हुने क्रम जारी रहेको छ । सोहि क्रममा पञ्चकन्या माविका बाल क्लव तथा शिक्षकहरुबाट नगद १७ हजार ६ सय ९१ र भद्रुटार स्वास्थ्य स्वंसेविकाहरुबाट नगद १८ हजार रुपैया प्राप्त भएको छ । सो रकम पन्चकन्या गापा अध्यक्ष तेजबहादुर तामाङ रमेशमार्फत हस्तान्तरण गरिएको छ ।
अध्यक्ष तामाङका साथै गाउँपालिका उपाध्यक्ष विमला पाठककेसी, प्रमुख प्रशासकीय अधिकृत हिराधन राई, कार्यपालिका सदस्य तथा कर्मचारीमार्फत हस्तान्तरण गरिएको हो । सो रकम पीडित परिवारलाई हस्तान्तरण गरिएको छ ।गत भदौ ४ र ५ गते परेको अविरल वर्षातका कारण पञ्चकन्या गापाका विस्तापित घरपरिवारहरुको लागि पूर्वमन्त्री हितबहादुर तामाङको पहलमा इनधन अर्थात् ग्यास सिलिन्डर वितरण गरी राहत तथा सहयोग प्रदान गरिएको छ । ग्यास वितरण कार्यमा पन्चकन्या गापाका उपाध्यक्ष विमला पाठककेसी, ३ नं. वडाध्यक्ष रामबाबु पराजुली, तथा गाउँबासीको उपस्थिति रहेको थियो ।
