बालिका बलात्कार गरी फरार विष्णु पक्राउ
मकवानपुर । मकवानपुरको कैलाश गाउँपालिका वडा नम्बर १० स्थित सिंचाई कुलोको जंगलमा बालिका लगेर बलात्कार गरी फरार रहेका कैलाश ३ का विष्णप्रसाद भुजेललाई प्रहरीले पक्राउ गरेको छ ।
यही २०७५ साल कात्तिकको दोस्रो साता सोह्र वर्षिया बालिकालाई जबरजस्तीकरणी गरी उनी फरार भएका थिए । बलात्कारपछि गर्भवती बनेकी बालिकाको उजुरीका आधारमा प्रहरीले २३ वर्षिय भुजेललाई पक्राउ गरेको हो । उजुरीपछि मकवानपुर प्रहरीले अनुसन्धान थालेको थियो ।
पक्राउ परेका विष्णुलाई जिल्ला अदालतबाट मुलुकी फौजदारी अपराध (संहिता) ऐन २०७४ को परिच्छेद १८ को करणी सम्बन्धी कसुरमा म्याद थप गरी थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
