प्रहरीले नियन्त्रणमा लियो ८४ किलो गाँजा
मकवानपुर । मकवानपुरको राक्सिराङ गाउँपालिका ६ बाट ८४ किलो ४ सय ग्राम लागूऔषध गाँजा बरामद गरिएको छ ।
जिल्ला प्रहरी कार्यालय मकवानपुरबाट खटिएको प्रहरी टोलीले जीतबहादुर स्याङ्तानको घरमा लुकाएर राखिएको उक्त परिणामको गाँजा बरामद गरेको हो। मंगलबार बिहान प्रहरी निरीक्षक पवनकुमार झाको नेतृत्वको प्रहरी टोलीले ५ वटा बोरामा प्याक गरिएको अवस्थामा गाँजा बरामद जनाइएको छ । बरामद गाँजा जिल्ला प्रहरी कार्यालयमा ल्याइएको छ भने गाँजा राख्ने स्याङ्तान फरार रहेकाले खोजी तीब्र पारिएको प्रहरीको भनाई छ ।
