मेलामा आज जेरी र शिव परियारको प्रस्तुती
मकवानपुर । मकवानपुरको हेटौंडामा जारी राष्ट्रिय औद्योगिक व्यपार मेलामा आज बालरोग विशेषज्ञ डा.हरिबहादुर खड्काले निःशुल्क स्वास्थ्य परिक्षण गर्ने भएका छन् । मेलामा दैनिक रुपमा स्वास्थ्य परिक्षण गर्ने काम भइरहेकोमा आज खड्काले स्वास्थ्य परिक्षण गर्न लागेका हुन् ।
शनिबार बाट सुरु मेलामा आज पनि विभिन्न सांस्कृतिक प्रस्तुतीको आयोजक मकवानपुर उद्योग वाणिज्य संघले तयारी गरेको छ । मेलामा आज गायक शिव परियार र बबिता बानियाँ (जेरी) को प्रस्तुती रहने जनाइएको छ ।
हेटौंडाको क्याम्पाडाँडा जारी मेलास्थलमा पुग्नका लागि हेटौंडा बजारबाट निशुल्क बस व्यवस्था गरिएको छ । मेला संरक्षकमा जिल्ला समन्वय समिमि मकवानपुर र हेटौँडा उपमहानगरपालिक कार्यालय छ । मेला प्रवद्र्घकहरुमा भूमी व्यवस्था,कृषि तथा सहकारी मन्त्रालय प्रदेश ३ ,उद्योग,पर्यटन वन तथा वातावरण मन्त्रालय,पर्यटन विकास परियोजना प्रदेश ३, प्रधानमन्त्री कृषि आधुनिकीरण परियोजना,कृषि व्यवसाय प्रवद्र्घन कार्यक्रम,नेपाल उद्योग वाणिज्य महासंघ, नेपाल उद्योग वाणिज्य महासंघ प्रदेश ३, र नेपाल पर्यटन बोर्ड रहेको छ ।
मेला यही फागुन २८ गते सम्म चल्ने आयोजकले जनाएको छ ।
