मातृभूमी साहित्य समाजको विभिन्न पुरस्कार
मकवानपुर । मातृभूमी साहित्य समाज मकवानपुरले विभिन्न व्यक्तिलाई पुरस्कृत गरेको छ । केशबलाल स्मृति मातृभूमि पत्रकारिता पुरस्कार २०७५ बाट मकवानपुरका पत्रकार भानुभक्त आचार्य सम्मानित भए । उनलाई नगद ७ हजार ५ सय रुपैयाँसहित पत्रकारिता पुरस्कारबाट बरिष्ठ साहित्यकार तुलसी थापाले सम्मान गरे ।
कुन पुरस्कार कसलाई
मातृभूमि राष्ट्रिय पुरस्कार २०७४ नगद २१ हजार १ रुपैयाँ सहित डा. तुलसी भट्टराई (काठमाडौं), शेखर शर्मा रिजाल स्मृति मातृभूमि शैक्षिक पुरस्कार २०७३ बाट नगद १५ हजार रुपैयाँसहित शिक्षासेवी देवप्रसाद श्रेष्ठ तथा बद्रीप्रसाद खतिवडा (मकवानपुर), २०७४ को शिक्षासेवी बनमाली सुबेदी तथा सजनी गोर्खालीलाई प्रदान गरियो ।
हातेमालो मातृभूमि युवा सिर्जनशील सम्मान २०७४ नगद १० हजार १ रुपैयाँसहित साहित्यकार सानुभाइ विश्वकर्मा (मकवानपुर), क्षेत्रबहादुर स्मृति मातृभूमि सम्मान २०७४ नगद १० हजारसहित संस्कृत वेद विद्यालय हेटौंडा १०, गोरक्षश्वर (मकवानपुर), राजकुमार स्मृति मातृभूमि सम्मान २०७५ नगद १० हजार १ रुपैयाँ सहित उषा तिवारी (चितवन) पुरस्कृत भए ।
समाजका अध्यक्ष माधव पोखरेलको अध्यक्षतामा भएको कार्यक्रममा पुरस्कार प्रदान गरिएको हो ।
