वर्षाले विपत्ति, घर पुरिँदा मार्खुमा आमा-छोरीको मृत्यु
मकवानपुर । मकवानपुरको इन्द्रसरोबर गाउँपालिका वडा नम्बर १, मार्खुमा पहिरोले घर पुरिएर आमा छोरीको मृत्यु भएको छ ।
निरन्तरको वर्षासंगै आएको पहिरोका कारण घर पुरिँदा ४० वर्षिय कान्छीमाया बलामी र उनकी १८ वर्षिया छोरी बबिता बलामीको मृत्यु भएको हो ।
पहिरोले २५ वर्षिया बेली बलामी घाइते भएकी छिन् । उनको उपचारका लागि मार्खु ल्याइएको जिल्ला प्रहरी कार्यालय मकवानपुरका प्रहरी निरिक्षक पवनकुमार झाले जानकारी दिए ।
पहिरोले आज विहान ८ बजे घर पुरिएको प्रहरीले जनाएको छ ।
