आजबाट पाँचौं हेटौंडा भेट्रान्स कप फुटबल प्रतियोगिता
मकवानपुर । मकवानपुरको हेटौंडामा आज बुधबारबाट पाँचौं हेटौंडा भेट्रान्स कप ‘एट’ ‘ए’ साइड ‘राष्ट्रिय फुटबल प्रतियोगिता २०७६ सुरु हुदैछ ।
हेटौंडा भट्रान्स क्लवले आयोजना गर्ने प्रतियोगिता हेटौंडाको लोकतान्त्रिक (हुप्र) चौरमा सुरु हुदैछ ।
प्रतियोगितामा आयोजक हेटौंडा भेट्रान्स, हेटौंडा एलेभेन सहित बारा, चितवन, सर्लाही, रौतहट, नवलपराशी, पोखरा, काठमाडौं, बुटबलका विभिन्न १८ वटा भेट्रान्स क्लवले भाग लिने महासचिव ज्ञानु क्षेत्रीले बताए ।
प्रतियोगितामा प्रथम हुने समुहले नगद एक लाख ११ हजार एक सय ११ रुपैया तथा शिल्ड,द्दितिय हुने समूहले नगद ५० हजार पाँच सय ५५ रुपैया सहित शिल्ड, उत्कृष्ट खेलाडीले नगद २० हजार रुपैंया र सम्पूर्ण खेलमा म्यान अफ द म्याच हुनेले पनि नगद २० हजार रुपैया पुरस्कार प्राप्त गर्नेछन् । प्रतियोगितामा करिब १० लाख ३६ हजार रुपैंया खर्च लाग्ने आयोजकले अनुमान गरेको छ ।
