बुहारीको हत्या गर्ने यस्ता जेठाजु !
मकवानपुर । धनुषामा जेठाजुले बुहारीको हत्या गरेका छन् । बुहारीको हत्या गरेको अभियोगमा जेठाजुलाई प्रहरीले नियन्त्रणमा लिइसकेको छ ।
मिथिला नगरपालिका-९ बडहडीमा बुहारीलाई खुकरीले प्रहार गरी फरार भएका जेठाजु श्रीप्रसाद पञ्जियार पक्राउ परेका हुन् ।
उनलाई बुधबार राति पक्राउ गरिएको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिए । पञ्जियारलाई जनकपुरधाम उपमहानगरपालिका–१ रेल्वे ट्रयाकबाट पक्राउ गरिएको हो ।
जेठाजु श्रीप्रसादले बुधबार (हिजो) दिउँसो जनकपुरधाम उपमहानगरपालिका–२१ की ३८ वर्षीया रानी देवी पञ्जियारलाई श्रीप्रसादले खुकुरी प्रहार गरेका थिए । खुकुरीको प्रहारबाट घाइते भएकी रानी पञ्जियारको उपचार लालगढको अस्पतालमा सम्भव नभएपछि प्रादेशिक अस्पताल जनकपुरधाममा लगिएको थियो ।
उनको त्यहिँ मृत्यु भएको हो । ज्यान गुमाएकी रानीका श्रीमान् रोजगारीका लागि विदेशमा छन् ।
