टी ट्वान्टी क्रिकेटमा आज दुई वटा खेल हुदै
मकवानपुर । मकवानपुरको हेटौंडामा जारी छैटौं स्व. माधवराज सुमार्गी टि ट्वान्टी क्रिकेट कप प्रतियोगिता अन्तर्गत आज पनि दुई वटा खेल हुदैछन् ।
विहान ९ बजेबाट सुरु हुने पहिलो खेलमा नेक्सेस क्रिकेट एकेडेमी काठमाडौं र युनाइटेड क्रिकेट क्लव वीरगन्जका बिच प्रतिष्पर्धा हुनेछ । यस्तै, दिउशो १ बजे हुने आजको दोस्रो खेलमा महावीर क्रिकेट क्लव हेटौंडा र कलैया क्रिकेट क्लव कलैयाका बिच हुनेछ ।
मकवानपुर क्रिकेट संघको आयोजना तथा हेटौंडा एकेडेमीको प्रायोजनमा आयोजित प्रतियोगिता हेटौंडाको हुप्रचौरमा भइरहेको छ । प्रतियोगिता अन्तर्गत हिजोको दुवै खेलमा मकवानपुर क्रिकेट एकेडेमी विजयी भएको थियो । प्रतियोगितामा प्रथम हुने टिमले नगद ४० हजार र दोस्रो हुने टिमले २० हजार नगद सहित शिल्ड मेडल, प्रमाणपत्र प्राप्त गर्ने आयोजकले जानकारी दिएको छ ।
