दुर्लभ रेड पाण्डाको छालासहित ४ जना पक्राउ
मकवानपुर । प्रहरीले दुर्लभ वन्यजन्तु रेड पाण्डा ‘हाब्रे’ को छालासहित चार जनालाई पक्राउ गरे।
प्रहरीले सोमबार दिउँसो साढे ३ बजेको समयमा काठमाण्डौको बूढानीलकण्ठ नगरपालिका १२ कपनको खरिबोटबाट उनीहरुलाई पक्राउ गरे । सूर्यबहादुर भुजेल, सुकबहादुर लामा, कमला तामाङ र युवराज सापकोट रेड पाण्डाको छालासहित पक्राउ परेका हुन् ।
सूर्यबहादुर भुजेल सिन्धुली, सुकबहादुर लामा धादिङ, युवराज सापकोटा कास्की र कमला तामाङ काठमाण्डौका बासिन्दा भएको प्रहरीले जानकारी दिएको छ ।
प्रहरीले पक्राउ परेकामध्ये सूर्यबहादुर भुजेलले पछाडि बोकेको कालो रङ्गको झोलाभित्र निलो प्लास्टिकमा बेरेर राखेको अवस्थामा रेड पाण्डाको छाला एक थान बरामद गरेको हो ।उज्यालो डटकमबाट
