सपना आँखा बन्द गरेर हैन खोलेर देख्नु पर्छः धर्म राज विश्वकर्मा

रन्धिर साह
२२ पुष २०७८, बिहीबार १८:१५

१८ वर्षका उमेरमा घर छाडेर हेटौंडा आएका धर्म राज विश्वकर्मा (धनगहतराज) २४ वर्षको उमेरमा नै हेटौंडामा घर बनाउन सफल भएका थिए । हेटौंडा बजारमा घर जग्गा जमिन भएको व्यक्तिहरुको सूचिमा पर्ने एकधर्म राज विश्वकर्मा पनि हो । उनको पुरानो घर सरिखेतपलासे हो। त्यपछि मनहरी ज्यामिरे बसोबास गर्न आएका थिए । उनको हालको घर हेटौंडा उपमहानगरपालिका वडा नम्बर १० स्थितमा रहेको छ । उनी कसरी यति छिटो आफ्नो सपनालाई सफल बनाउन सक्ने भए ? कुन कामबाट उनको व्यवसायीक यात्रा सुरु भयो ? अहिले कुन कुन व्यवसायमा संलगन रहेका छन् भन्ने विषमा लोक खबर डटकमका सम्वाददाता रन्धिर साहले गरेको कुरा कानीको केही सम्पादीत अंश ।

तपाईको सुरुवाती यात्रा कस्तो रहयो ?

मेरो सुरुवाती यात्रामा मैले पनि धेरै किसिमका समस्याहरु तथा चुनौतिहरुको सामना गरेको थिँए । म घरबाट केही गर्ने उदेश्यले हेटौंडामा करिब १८ वर्षको उमेरमा आएँ । मैले न त केही सिप सिकेको थिएँ भने नत अध्ययनै गरेको थिएँ । त्यसकारण मैले धेरै समस्याहरुको सामना गर्नु परेको थियो । तर, मैले देखेको सपनाले मलाई कहिले सान्त बस्न दिएन। काम खोज्ने क्रममा केही दिनपछि मैले एउटा आर्टिफिसियल गहना पसलमा काम पाएँ । त्यो नै मेरो जीवनको पहिलो सुरुवाति काम हो । त्यहाँ करिब १६ वर्षसम्म मैले श्रम गरेर सिप सिकेँ ।

तपाईले कसरी २४ वर्षकै उमेरमा हेटौंडामा घर किन सक्नु भयो ? कसरी यति छिटो आफ्नो सपनालाई सफल बनाउने बाटोमा जानु भयो ?

मैले सपना आँखा बन्द गरेर हैन खोलेर देखेका थिएँ। म घरमा अब केही बनेर नै फर्किने सोचले हेटौंडा आएँ । सायद् सोही कारणले मैले आफ्नो कामलाई नै सबै कुरा मानेर मेहनत गर्दै गएँ । एक दिन पसलमा दुई जना व्यक्ति आए र जमिन बेच्ने कुरा साउसंग गर्दै थिए। त्यो बेला मसंग केही रुपैयाँहरु थियो । र अलिकति रकम साथिहरुसंग सहयोग लिएर मैले जग्गा किनेँ । पछि त्यहाँ घर बनाएँ । यो सबै मेरो मेहनतको फलनै हो ।

अहिले कुन कुन व्यवसायमा संलग्न रहनु भएको छ ? र व्यवसायको अवस्था कस्तो छ ?

अहिले मेरो हेटौंडा १० स्थित टिसिएन रोडमा अनुग्रह गहना पसल र हेटौंडा ४ स्थित होटल तुरही रहेको छ । तुरही होटल मैले करिब ४ वर्ष पहिला संचालनमा ल्याएको हुँ । करिब २ वर्षदेखि कोरोना भाइरसको जोखिमका कारण हामीले धेरै समस्याहरु भेग्यौँ तर, अहिलेको अवस्था राम्रो रहेको छ ।

गहनाको काम गर्दागर्दै कसरी होटल व्यवसायमा संलग्न हुनुभयो ?

हो मेरो पहिलो वयवसाय गहनानै हो । तर, हामी व्यवसायी हौँ। जुन काममा हामी संतुष्ट हुन्छौँ त्यही व्यवसायमा हामी रमाउँने गछौँ । पछि मलाइ होटल व्यवसाय गर्न मन लाग्यो अनि यो पेसामा संलग्न भएँ ।

होटल व्यवसायीले पालना गर्नु पर्ने नियमहरु के के छन् । र तपाईंले कतिको पालना गर्नु भएको छ नियमहरु ?

होटल व्यवसायीहरुले पालना गर्नु पर्ने नियम धेरै छन् । जस्तै रुम रेन्ट (भाडा) मा दिनु भन्दा पहिला व्यक्तिको विवरणको रुपमा नागरीता, विवाह दर्ता र आपसि सम्बन्धहरु बारे सोधेर मात्र रुम दिने आदि नियमहरु छन्। र सोही नियमको पालना हामी सबै होटल व्यवसायीले गर्ने गरेका छौँ ।

होटल व्यवसाय गर्न चाहने व्यक्तिहरुलाई के सुझाव दिन चाहनु हुन्छ ?

अहिले यो क्षेत्रमा पनि प्रतिश्पर्दा धेरै छन् । तर, होटल व्यवसायमा आउनु भन्दा पहिला यसको बारेमा अध्ययन गरेर आयो भने धेरै राम्रो हुन्छ । साथै यो क्षेत्रमा सहि ढंगले लागर्ने व्यक्तिहरुको जीवन स्तरपनि उकासीएको छ । जे काम गर्न गईरहेका छौँ, त्यो काम बारे राम्ररी बुझेर र निरन्तर लागि रहे सफलता अवश्य पाउन सकिन्छ ।

प्रतिकृया

यसमा तपाइको मत

Your email address will not be published.


*