हेटौंडाका सुजनको अरु दुईवटा म्युजिक भिडियो सार्वजनिक हुदै
मकवानपुर । हेटौंडाका सुजन नेपालीले म्युजिक भिडियामा अभिनयका लागि एक पछि अर्को अवसर पाउँन थालेका छन् । २१ वर्षिय सुजनले सातवटा म्यूजिक भिडियोमा अभिनय गरिसकेका छन् ।
उनले तारासितारा प्रोडक्सन्को रामशरण पृथकको शब्द र हेमन्त रुम्बाको आवाजमा रहेको ‘सल्काई दिप’ बोलको गितको म्यूजिक भिडियोमा अभिनय गरेसंगै एकपछि अर्को अवसर पाएका हुन् ।
सिर्जना घिमिरेको शब्द र रुपक डोटेलको स्वर रहेको ‘सयौं जुनी’ तिम्रै हुँ भन्छ्यौ, महेषकुमार ओली र कृष्ण राईको स्वर अनि सिताराम भट्टराईको निर्देशनमा निर्माण गरिएको म्युजिक भिडियो ‘थाहा नपाई’ र हालसालै रिलिज भएको चर्चित गायक प्रमोद खरेलको स्वर र डा.डिआर उपाध्यायको रचना र कृष्ण पौडेलको निर्देशनमा निर्माण गरिएको म्यूजिक भिडियो ‘तिमी बिना’ मा पनि उनले मुख्य भुमिकामा अभिनय गरेका छन् ।
उनले अभिनय गरेका दुईवटा म्यूजिक भिडियो छिट्टै रिलिज हुदैछ ।
