नक्कली सुन सहित पक्राउ
मकवानपुर । मकवानपुरको हेटौंडाबाट एक किलो नक्कली सुन सहित दुई जनालाई प्रहरीले नियन्त्रणमा लिएको छ । हेटौंडा उपमहानगरपालिका वडा नम्बर १ त्रिभुवनराजपथ सडकबाट दोलखाको जिरी नगरपालिका वडा नम्बर ३ बस्ने वर्षिय ध्यालसिंह शेर्पा र मकवानपुर राक्सिराङ गाउँपालिका वडा नम्वर ४ बस्ने अभय कुमार थिङलाई प्रहरीले नक्कली सुन सहित पक्राउ गरेको हो ।
उनीहरु दुवै जनालाई त्रिभुवन राजपथ सडक खण्डमा चेकजाँचको क्रममा भैंसे तर्फबाट हेटौंडा तर्फ आउँदै गरेको बा. ९३ प ९०६ नम्बरको पल्सर मोटरसाईकलबाट नियन्त्रणमा लिइएको जिल्ला प्रहरी कार्यालय मकवानपुरका प्रहरी उपरिक्षक मुकेशकुमार सिंहले जानकारी दिए ।
