बलिउडमा बन्दैछ ‘कोरोना’ फिल्म

लोकखबर
४ चैत्र २०७६, मंगलवार ११:१५

मकवानपुर ।अहिले विश्वभर कोरोना भाइरसको संक्रमणले महामारीको रुप लिएको छ ।

यसको संक्रमण फैलिए संगै विश्वका कैयौं मुलुकका मानिसहरु आफ्नो घर भित्र कैद भएका छन् । कोरोनाको महामारी यतिसम्म फैलिएको छ कि विश्वका कैयौ महत्वपुर्ण कार्यक्रम समेत रद्ध भएका छन् ।

कोरोना संक्रमणले सबैलाई अस्तब्यस्त बनाएको छ । फिल्मी क्षेत्रमा पनि यसको असर देखा परेको छ । सबैभन्दा बढि फिल्म उत्पादन गर्ने बलिउडले समेत कोरोना संक्रमणको त्रासका कारण फिल्म प्रदर्शन मिति सार्न थालेको छ ।

कोरोना संक्रमण फैलिएसंगै बलिउडमा फिल्मको सुटिङ रोकिएको छ । रोहित शेट्टीको सूर्यवंशीको प्रदर्शन मिति स्थगित भएको छ । तर यहि बलिउडमा एक रोचक बिषयले प्रवेश पाएको छ । जसका कारण बलिउड आफै त तरंगित छ नै अन्यत्र पनि यसले सबैलाई अचम्भित बनाएको छ ।

यसरी सबैलाई अचम्भित पार्ने विषय भनेको बलिउडले कोरोनाको नाममा फिल्म बनाउने भएको हो ।

कोरोना भाइरसमा आधारीत रहेर बन्ने फिल्मको टाइटल समेत फाइनल भइसकेको छ ।

इराँस इन्टरनेसनलको ब्यानरमा बन्ने उक्त फिल्मको नाम ‘कोरोना प्यार है’ रहने छ । ऋतिक रोसन अभिनित फिल्म कहो ना प्यार है संग मेल खाने यस फिल्म लव स्टोरी कथामा आधारीत रहने जनाइएको छ ।

इराँस इन्टरनेसनलका कृष्णा लुल्लाका अनुसार अहिले कोरोना प्यार है को स्क्रिप्टमा काम शुरु भइसकेको छ । इराँसका अलावा अन्य फिल्ममेकरले पनि कोरोना भाइरसमा फिल्म बनाउदैछन् ।

इण्डियन मोसन पिक्चर प्रोड्यूसर एसोसिएशनलाई पनि ‘डैडली कोरोना’ नाममा फिल्म बनाउन प्रस्ताव आइसकेको जनाइएको छ ।खबरहब डटकमबाट

प्रतिकृया

यसमा तपाइको मत

Your email address will not be published. Required fields are marked *


*