अब नेपाली फिल्म उद्योगहरुले पनि विश्व बजारसम्म पुग्ने तार्गेट राख्नुपर्छः नायक गौतम
एकै नजरमा माया बस्यो है दिपेशकिशोर भट्राईको म्यूजीक भिडियोबाट अभिनय सुरुगरेका अमिर गौतमले १० वटा ठुला पर्दाका नेपाली कथानक चलचित्रमा अभिनय गरिसकेका छन् । हाल आएर उनले हलिउडको ठुलो पर्दाको चलचित्र द म्यान फ्रम काठमाडौँ नामक फिल्ममा सहायक खलनायकको भूमिका निभाएका छन् । मूख्य खलनायक गुल्सन् ग्रोबर अभिनित चलचित्रमा उनको सहायक भुमिका रहेका छ । उनको पहिलो नेपाली कथानक चलचित्र चपलि हाईट १ हो भने त्यसपछि चपलि हाईट ३, मिसन पैसा २, बास्सा जुट, सरौँतो, दिलमा सजाँए तिमिलाई र फाटेको जुता लगायत नेपाली कथानक चलचित्रमा अभिनय गरेका छन् । उनै नायक अमिर गौतमसंग लोक खबरका जी न्यौपानेले गरेको कुराकानीको सार संक्षेप ।
चपलि हाईट ३ फिल्म चल्दा चल्दै कोरोना ओमिक्रोनको कारण हल बन्द भयो । तपाईहरु त मर्कामा पर्नु भयो नि होइन ?
– हो हामी कलाकार तथा फिल्म निर्माता । फिल्म हल संचालक सबै मर्कामा परेका छन् । यो कोरोना भाईरसको जोखिमको समस्या विश्व व्यापि रुपमा रहेको छ । यो रमाईलो कुरा होइन । तर पछि यसको सामाधान हुने आसा छ । पहिलाको जस्तै हल संचालन हुने छ । हलहरु पूर्ण रुपमा संचालनमा आउने छ ।
कति लगानिमा चपलि हाईट ३ फिल्म बनेको हो, भन्न मिल्छ ?
-करिब डेढ करोडको लगानिमा चपलि हाईट ३ फिल्म बनेको हो जस्तो मलाई लाग्छ । यो निर्माताले बताउँने विषय हो । मलाई यस बारे त्यति धेरै जानकारी छैन ।
अर्जुनकुमारद्धारा निर्मित चलचित्र चपलि हाईट ३ मा तपाईं लगायत अरु को को छन् ?
-फिल्ममा अभिनित कालाकारहरु म लगायत स्वस्तीमा खड्का, महेश त्रिपाठी, सुपुष्पा भट्ट, प्रतिक मान श्रेष्ठ मूख्य भुमिकामा रहेका छन् ।
चपलि हाईट ३ फिल्म कस्तो कथामा आधारीत फिल्म हो ?
-थोरै बहुत चपलि हाईट १ ल्फेबरमा छ । तर, थ्रिलर टाईपको फिल्म हो यो । फिल्म समाप्त भएता पनि दर्शकमा कौतुहलता भैरहन्छ ।
तपाईले अभिनय गर्नु भएको अमाजोनको द म्यान फ्रम काठमाडौँमा नेपाली कालाकार तपाई मात्रै हो ?
-त्यस फिल्ममा १० प्रतिशत नेपाली कालाकारहरु रहेका छन् । मुख्य खलनायको भुमिकामा बलिउड फिल्मका लिजेन्ट खलनायक गुलसन् ग्रोबर र एक जना पाकिस्तानी कालाकारले अभिनय गरेका छन् भने एक जना निर्माता नेपालकै छन् । अरु सबै निर्माता कालाकार अमेरिकन हुन् । यसको सम्वाद पनि अंग्रेजी भाषामै छ । यो नेपाली भाषामा पनि डविंग गरिएको छ ।
कहाँ कहाँको दृशयहरु छयांकन गरिएको छ फिल्ममा ?
-यो फिल्म काठमाडौँमै सुर्टिङ भएको हो । साथै अधिकांश सिनहरु अमेरिकामा पनि सुर्टिङ भएका छन् ।
तपाईंको रोल अमेरिकामा पनि थियो कि ? फिल्म कतिको दर्शकहरुले मन परायो त ?
-मेरो रोल नेपालकै थियो । सोही कारण अमेरिका जान परेन । फिल्ममा भने फिल्मको अन्तसम्मै मेरो अभिनय रहेको छ । रहयो कुरा फिल्म र दर्शकबीचको त्यो ठिकै चल्यो । अमाजोन प्राईम (अमेरिका) मा अहिले पनि यो फिल्म छ ।
नेपाली फिल्म जगत र हलिउड फिल्ममा के फरक छ ?
-उनीहरु सेडुअलनुसार काम गर्छन् । काममा सम्झैता छैन् । कथाले जस्तो सिन माग्यो त्यस्तै दिनु पर्छ । आनाकानी गर्न पाइदैन । उनीहरुले समयलाई प्राथमिकतामा राखेर काम गर्छन् ।
पारिश्रमिकको सवालमा चाही के फरक पाउँनु भयो ?
-उनीहरुले दिने पारिश्रमिक धेरै राम्रो छ । एकाउण्टेन सुर्टिङ स्पोटमै हुन्छ र काम सकिने वितिकै पारिश्रमिक दिन्छन् ।
नेपाली चलचित्रहरु तुलनात्मक रुपमा त्यति फस्टाएननी किन होला ?
-हाम्रो चलचित्रको क्वालिटि धेरै कम छ । हामी अन्तराष्ट्रिय बजारलाई तारगेट गरेर फिल्म बनाउँदैनौँ । अर्को कुरा अनुभव नबटुलिकननै फिल्म बनाउनेहरु धेरै भए । पैसाको बलमा फिल्म बन्ने तथा कालाकार हुँने कुराले गर्दाखेरी हामी नेपाली बजारमा मात्रै सिमित् रहेका छौँ ।
फिल्म निर्मान गर्न चाहने नयाँ निर्माताहरुले केके कुराहरुमा ध्ययान दिनुपर्छ ?
-सबै भन्दा पहिला फिल्म जगतलाई बुझ्नु पर्यो । यसका अचारसहिंताहरु, कानुनी कुराहरु र यसको मर्म बुझ्नु पर्यो । त्यसको साथ साथै कथा बस्तु पनि दम्दार हुनु पर्छ । कथा बस्तुले मागेको लगानि पनि निर्माता संग हुनुपर्छ । साथै कालाकारहरु पनि अनुभवी तथा दक्ष्य हुनुपर्छ । अस्वस्थ्य प्रतिस्पर्दा गर्नु हुँदैन । लगायतका अरु कुराहरु पनि छन् जो निर्माताले ध्यान दिनु पर्छ ।
नेपाल सरकारले तपाईहरुलाई हेर्ने दृष्टिकोण कस्तो छ ?
-नेपाल सरकारले यो क्षेत्रलाई उद्योगका रुपमा हेरेको जस्तो अहिले पनि मलाई लाग्दैन । यत्रो कोरोना कहरको समयमा सबै हलहरु बन्द भए । जस्को कारणले फिल्म निर्माता, कालाकार, हल संचालक लगायत सबैलाई ठुलो मर्का परेको छ । त्यो सुचि सरकारसंग छैन् । कम्तिमा निर्माताहरुलाई जोगाउने वातावरणको सिर्जना गरिदिएको भए कालाकार पनि बाँच्थे । हिजोका समयदेखि आजसम्म यो क्षेत्रमा सरकारको दृष्टिकोण त्यति भएको मलाई लाग्दैन ।
अब भावि योजनाहरु तपाईंको के कस्ता छन्, अरु कुनै फिल्मका लागि अफर आएको छैन् ?
-त्यस्तो योजनाहरु अहिलेलाई केहिपनि नरहेको तथा कोरोनाको जोखिमका कारण घरमै बसिबसाई भैरहेको छ । एक दुईवटा फिल्मका अफरहरु आएका छन् । कोभिड १९ को जोखिम कम भएपछि सबै हल संचालनमा आउँछन् र म पनि पहिलाकै काममा नियमित लाग्ने छु ।
