सजिलै चुरोट छाड्न सकिने चार उपाय
चुरोट खाँनु हुन्न भन्ने थाहा भएर पनि कसरी छाड्ने भन्ने तनावमा रहेकालाई सजिलै चुरोट छाड्ने टिप्स
१. दैनिक बिहानै उठेर दुई गिलास पानीमा कागती मिसाएर पिउने ।
२. जब चुरोटको तलतल लाग्छ, आफैँले आफैलाई सम्झाउने, ‘मैले जुनसुकै हालतमा चुरोट छोड्नु छ।’ चुरोट छाड्न सबैभन्दा बढी आफ्नै इच्छाशक्ति आवश्यक हुन्छ ।
३. चुरोट छाड्ने निधो गरिसकेपछि कहिलेदेखि छाड्ने मनमनै मिति तोक्नुहोस् । त्यसपछि पनि तपाईँलाई जबजब चुरोट पिउन मन लाग्छ, आरामसँग बस्नुहोस् र लामो सास तानेर पानी पिउनुहोस् । यसो गर्दा तपाईँको ध्यान अन्यत्रै मोडिन्छ ।
४. अमलालाई घाममा सुकाउनुहोस्, त्यसमा कागती र नुन हालेर बट्टामा राख्नुहोस् र आफ्नै साथमा राख्नुहोस् । जब चुरोटको सम्झना हुन्छ बट्टाको अमला थोरै–थोरै निकालेर खानुहोस् । यसका साथै मौसम, सुन्तला र अंगुरजस्ता फलफूलका जुस पिउने गर्नाले पनि चुरोटको सम्झना मेटिन सक्छ ।
